88
Oranjestad – Diasabra laat Motor Unit di cuerpo policial a start su control ariba Caya G.F.Betico Croes. Autonan tawata wordo controla door di mandanan ariba e parkeer plaats di Cayena Mall.
Eynan chauffeurnan tawata wordo controla ariba Rijbewijs valido y alcohol.
Akinan por a mira unda varios chauffeur tanto homber y muhe a wordo deteni, debi cu nan a surpasa e limite stipula.
Aki ta sigui e resultado di e controlnan di parti Motor Unit durante y despues Lighting Parade.
Informacion ricibi di KPA.
Un total di 9 persona deteni pa maneha auto bou influencia di cual 2 tawata condusi sin rijbewijs.
Un di nan su rijbewijs a caduca desde 2018.
5 multa a ser reparti pa surpasa velocidad maximo.
Cuerpo Policial ta keda conseha pa si bo ta pensa di bebe alcohol hasi uso di bo AMIGODIDI pasobra controlnan di nos motorunit lo continua despues di cada evenemento di carnaval.