Home Police Diabierna anochi: Accidente cu basta daño material y hende herida ariba Green...

Diabierna anochi: Accidente cu basta daño material y hende herida ariba Green Corridor

SHARE

Pos Chikto – Diabierna anochi automobilistanan bayendo direccion rotonde Pos Chikito a hayanan confronta cu dos auto kibra ariba caminda.
Algun mester a lastra brake y/of haci maniobranan pa no dal contra nan.

E autonan envolvi tawata un Nissan Skyline y un Honda CRV.

Segun nos a compronde na e sitio, e Honda lo a bay hala net momento cu e Nissan lo tawata biniendo cu velocidad halto.

Esaki a causa cu e Nissan a dal patras di e Honda, mandando e contra e Vangrails parti pazuid.

Depues pa e Nissan Skyline sigui bay para basta meter mas pariba.

Den e  Skyline e tawata un persona cu a resulta herida y a wordo atendi door di Paramediconan.

Despues por a mira cu nan a sali direccion Hospital cune.

Door cu e autonan a keda kibra ariba caminda y no por a move ariba nan propio forsa e caminda a permanece cera pa algun rato.