Green Corridor – Diamars mey anochi altura di Young Fellow e banda cu ta bay pa Playa un Nissan March a bolter cu cinco persona den dje.
E Nissan March aki tawata bayendo direccion pariba esta San Nicolas.
Pa un of otro motibo e chauffeur a perde control ariba e vehiculo causando cu ela kita bay ariba su man robes.
Aki ta unda ela ranca un palo di luz pa despues pasa over di e tera bay cay ariba su dak otro banda.
Danki Dios no tawata tin ningun auto pasando e ora ey.
Den e auto tawata tin cinco ocupante, di cual dos a resulta mas grave cu e otronan.
Ambulancenan cu a yega na e sitio a transporta e dosnan mas serio y e resto a wordo trata na e sitio mes.
Algun dia atras den e mesun area aki un Kia Sportage a bolter y dal dos brommer.
Chauffeurnan mester cuminsa regula nan velocidad ariba e caminda aki.
Pa esnan cu ta encarga cu mantencion di Green Corridor, cuminsa busca un solucion pa evita cu e autonan por pasa asina facil bay otro banda.
Hopi biaha ela pasa caba y danki Dios nunca tawata tin trafico pasando e momento ey.
Actua awor cu ta na tempo y evita un desgracia mas grandi.
