Home » Ministerio Publiko di Korsou ta informa: TRANSAKSHON ENTRE OM I FCIB

Ministerio Publiko di Korsou ta informa: TRANSAKSHON ENTRE OM I FCIB

by Admin
0 comment 78 views

Riba 9 di òktober 2006 Banko Sentral di Antia Hulandes (Bank van de Nederlandse Antillen – BNA) a revoká e pèrmti di banko di First Curaçao International Bank (FCIB) i Korte den promé instansia di (èks) Antia Hulandes – riba petishon di BNA – a dikta e areglo di emergensia pa loke ta trata FCIB. BNA ta e predesesor hurídiko di e aktual Banko Sentral di Kòrsou i Sint Maarten (Centrale Bank van Curaçao en Sint Maarten – CBCS), ku aktualmente ta supervisá e sektor bankario.

Komo konsekuensia di e areglo di emergensia, FCIB te aworakí ta bou di mando di CBCS. Motibu di esaki ta un investigashon penal hulandes riba FCIB, kual investigashon na 2012/2013 a hiba na un sentensia i un transakshon pa FCIB. Na òktober 2017 i mart 2018, bou di mando di hues komisario, a listra e ofisina prinsipal di FCIB na Kòrsou. Motibu direkto pa e listramentu aki tabata petishonnan pa asistensia hurídiko ku tabata drenta di eksterior serka Ministerio Públiko di Kòrsou (Openbaar Ministerie – OM) pa loke ta trata FCIB.
E resultadonan di e investigashon penal na Kòrsou a konfirmá e sospecho ku probablemente por papia di labamentu di plaka ku kulpa (‘schuldwitwassen’) dor di FCIB pa loke ta trata un kantidat di su kuentanan bankario. Esaki a hiba na ku Ministerio Públiko i FCIB a sera un kontrato pa bai di akuerdo ku un transakshon.

Den kuadro di e transakshon aki, FCIB ta distansiá su mes di montantenan riba kuentanan spesífiko. Ku esaki a saka e montantenan riba kuentanan aki for di e banko. Lo paga e otro montantenan riba kuentanan na e doñonan legítimo di e kuentanan, òf lo depositá esaki den un kaha di konsignashon ku ta bou di supervishon di CBCS.

Ministerio Públiko ta spera ku e transakshon ta kontribuí na un likidashon rápido pa FCIB komo banko ya asina por kanselá e areglo di emergensia.

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio