ORANJESTAD, Aruba: Pa Aruba Bank e empleado ta central ora di priminti e clientenan “Un Experencia Superior”. Cu esaki den mente Aruba Bank ta nomina un empleado ehemplar tur luna. E empleado cu ta escohi ta esun cu durante di e luna a hasi su maximo esfuerzo pa brinda momentonan superior na tur esnnan cu bishita Aruba Bank of haci uso di un manera of otro di un servicio di banco. Roderick Bisslik a ser selecciona durante di luna di Januari pa su ayudo brinda, su dinamismo, profesionalismo y eficiencia den su area di trabou.
Roderick Bisslik, Technology Liaison, ta un hende cu a bai e extra miya pa duna un man na colega na beneficio di e cliente. Su proactividad, dinamismo, profesionalismo y eficiencia a haci cu ela wordo nomina y reconoci como un empleado superior.
Aruba Bank ta felicita y gradici e miembronan di e famia di Aruba Bank cu a wordo nomina pa cliente y of colega pa yuda brinda tur cliente “Un Experiencia Superior”. Pabien Roderick!