110
Vondellaan – Diahuebs mainta mayornan bahando nan yiu na Colegio Arubano a mira presencia di polis y mesora tawata sa cu algo no ta bon.
Segun informacion a bolbe haya menasa di School Shooting.
Esaki a pone cu mesora autoridad a activa y manda dos patruya y mas departamentonan rond di Colegio. Por a mira pariba di Colegio Arubano un patruya y pabou di Colegio ariba e parkeer plaats un otro staciona.
Loke a hala atencion mesora ta cu ariba januari 13 autoridad a laga sa cu nan a detene un persona masculino cu lo tawata esun cu a haci e menasa serio aki.
E hoben di inicial D. a wordo deteni cu lo ta yiu di un ex parlamentario di partido AVP.
Pero, januari 23 mainta algo ta sosode atrobo di un otro menasa cu lo bay of por tin un School Shooting.
E punto ta e ora cu ora autoridad a pensa cu e tawata E persona, a resulta cu e no tawata cuadra completamente.
Diahuebs mainta autoridad a haye cu e sorpresa cu e menasa a caba y cu e ta mas real cu nan mes a pensa.
Casi un aña pasa
E grupo Derecho di Maestronan of Maestronan preocupa pa nan siguridad a sinta cu Minister di Husticia Bikker y otronan.
Lamentablemente segun nos a compronde nada no a wordo haci y awe ela bira un realidad amargo y peligroso.
A trece dilanti varios caso, manera alumnonan cu a ser haya cu arma di candela na skol pero nada ta wordo haci.
Un Middelbare School tawata sa di un menasa di School Shooting y a prefera di trata e caso su mes loke no ta bon.
Kizas pa no daño cara di e skol.
Pues tur e cos aki por a wordo evita si a tuma e medidanan necesario casi 1 aña pasa, momento cu un grupo di Docente preocupa a sinta na mesa y trece nan punto di bista.
Nos tin informacion cu maestronan dia pa dia ta confrontando falta di respet y menasa.
Menasa di haci daño na maestro ta real.
E caso aki ta serio y spera cu e biaha aki si autoridad sa di pone un fin na tur esnan meti den e caso di menasa di School Shooting.
Januari 23 a bin haya sa cu no ta solamente e hoben di inicial D. ta meti den e caso serio aki pero cu lo ta trata di un grupo.