Breugelstraat – Diaranson merdia algo pasa di 12’or ambulance y polis a bay e caya cortico situa net pabou di e edificio di Corte, unda auto lo a alcansa un peaton.
Mesora polis di trafico a cuminsa bay e caya yama Breugelstraat.
Na yegada di polis ya Paramediconan tawata atendiendo cu e persona herida.
A papia di un persona adicto, pero segun a compronde cu e persona aki no ta adicto mirando cu e tin cas den area di Sero Blanco.
E homber aki ya pa hopi aña tin problema pa cana t por mira esaki na e operacionnan cu elo a haci durante añanan.
Na e sitio por a constata si cu e cabayero aki tawata bou influencia di alcohol.
Na yegada di polis di trafico e auto cu a dale no tawata tey mas. Pues a resulta cu tawata trata di un hit and run.
Aki ta unda e homber a conta polis cu ta intencionalmente e chauffeur a dale y bay.
Esaki a pone cu e scenario a caba y ta bira un otro caso mas serio unda recherche a wordo poni na altura.
Polis a conseha e homber pa entrega keho na warda.
Aparentemente un patruya lo a keda di hibe warda pa asina e haci e denuncia.
Segun e victima lo ta trata di un persona biba den cas di pueblo na Sero Patrishi cu ta core loke por a compronde un Starlet color preto.
