Home Police Alcohol un problema social serio: Chauffeur burachi a pasa ariba Paperclip rotonde...

Alcohol un problema social serio: Chauffeur burachi a pasa ariba Paperclip rotonde y no tawata sa mes

SHARE
Paperclip rotonde Sero Patrishi – Diaranson marduga polisnan mester a bay atende cu chauffeur cu tawata bayendo zuid ariba Watty Vos Boulevard y dado momento mester pasa rond di e Paperclip rotonde.

Wel esaki no a pasa rond pero ariba di e rotonde, rancando borchi y kibrando un tire dilanti banda drechi.

E chauffeur den e Toyota Corolla a sigui su rumbo manera nada no a pasa, segun a compronde e no tawata sa mes.

Ariba tres tire ela sigui zuid ariba Watty Vos Boulevard debi cu 1 tire a kibra y kita completamente for di e rim.

Yegando den area di Cumana sea cu e auto no por a sigui mas of e mes a para e auto memey caminda.

Aki ta unda cu polis a bay atende cune y mesora a ripara cu e ta bou influencia.

Polis a lage supla y ela trata como 3 biaha, pero lamentablemente no a logra. Esaki tawata motibo suficiente pa e a wordo deteni.

Chauffeur a wordo hiba warda y Takelwagen a ser pidi pa bay cu e auto tambe, mirando cu e no por a keda eynan.