Home Police Dos hoben a purba atraca pareha turista di edad na Renaissance Marketplace...

Dos hoben a purba atraca pareha turista di edad na Renaissance Marketplace banda di lama

SHARE
Renaissance Marketplace – Diaranson anochi algo prome cu 9:30 un pareha turista por poco a bira victima di un robo/atraco.

Tawata diaranson anochi cu un pareha lo a bay na Café the Plaza y bati alarma. E motibo tawata cu dos hoben color scur lo a trata di atracanan.

Den e intento e dama turista di edad a cay y rasca su curpa.

Segun nos por a compronde cu e incidente lamentabel aki lo a sosode ariba e pathway pazuid banda di lama.

Varios patruya a dirigi nan mes pa e sitio y despues di scucha loke e pareha a declara a cuminsa busca rond.

Segun un of mas testigo, algun rato despues di e intento a mira dos hoben color scur core duro dilanti e Conference Center bay nort.

Na final e pareha di edad a cana bay nan auto pa despues bay nan hotel cu un sabor bastante amargo.

Mester remarca cu e area aki tin Camara di siguridad casi tur caminda, pues si ta bon un di e camaranan mester por a capta algo.

Si ta asina lo avisa polis.

Algun rato prome, den area di Highrise Hotels si dos ladron a logra bay cu varios cos di un pareha cu tawata den area di beach di Holiday Inn.

Aki te unda nos sa no a logra haya e dos individuonan aki.