Cu sumo placer Iron Order MC – Aruba Steel Knights a haci entrega di 33 shoppingbags cu diferente articulonan pa damas na Fundacion pa Hende Muhe den Dificultad.
Esaki a tuma lugar ayera 6 di januari riba e dia di e tres reynan mago como regalo.
E miembronan di Iron Order MC a haci e entrega aki como parti di un di nan proyectonan caricativo di tur aña pa cu e pueblo di Aruba.
E idea di e donacion special aki a surgi entre e propio miembronan di Iron Order MC y di forma unanime a gara e idea y tene di biaha cu dos man.
Atravez di esaki IOMC kier mustra tambe cu semper ta bon pa duna bek na nos comunidad y muy especialmente na e sernan femenino cu sa/ta pasa den momentonan hopi dificil.
Riba e potretnan por mira momento cu e miembronan di Iron Order MC Aruba ta haci entrega na sra.Maria Carrasquilla (Trahado Social) y tambe Cinthia Quant (Psycholoog) di Fundacion pa Hende Muher den Dificultad.
Un danki special ta bai na e maidennan di Iron Order MC cu a yuda prepara e giftbagnan aki cu nan toke femenino y tambe e compania di TradeWinds Aruba cu nan gran colaboracion pa por a haci e bunita gesto aki posibel.
