“Pa critica cu tin vez tin den comunidad nos mester para keto tambe y admira e trabao duro y dedica di esnan den cuido na Artuba. Un experiencia personal cu salud di mi senjora Doina e dianan aki a trecemi bek na momentonan cu nos a comparti y convivi cu mi defunto mama den lucha pa su salud y e refleccionan cu Bo ta haci na momentonan asina”, e lider di AVP, mr. Mike Eman a expresa den un mensahe dunando un reconocimento na e trabao duro y dedica cu mediconan y enfermeranan den cuido na Aruba ta percura pe.
Mike Eman: Canando den e paseonan di nos hospital, bishitando esnan den lucha pa nan salud y nan famianan den anciedad pa nan ser keri ta profundisa mi sentimientonan cu pa nos por haci un diferencia pa esnan cu nos ta stima nos mester tey semper uno pa otro. Ta hustamente e momentonan ey e atencion professional y humano ta hopi crucial. Eman ta mustra cu e mesun sentimientonan aki e tin tambe pa nos enfermeranan den cuido di nos grandinan. E fin di anja aki atrobe Eman por a aprecia y admira nan dedicacion trahando riba dianan di fiesta di casnan di nos grandinan. Si Bo mira cu cuanto atencion y carinjo nos grandinan ta worde cuida y juda bo no por otro cu keda cu un admiracion pa e trabao dedica di nos enfermeranan.
ExPromer Minister Mike Eman den su periodo di gobernacion a percura pa enfermeranan di casnan di nos grandinan maneha pa SABA por a worde incorpora den e systema di pensioen di APFA. Pa enfermeranan y empleadonan ya gaba riba edad di Pensioen e Gabinete di Mike Eman a crea e tempo ey un pakete financiero cu voluntariamente esnan cu kier a bai cu pensioen lo no a baha man bashi, manera cu e tabata promer cu e areglo cu e tempo ey Promer Minister Eman a percura pe hunto cu sindicato SEPPA. Te hasta cu hopi tabata sigui traha cu edad halto pasobra promer cu e pensioen y e areglo cu Eman a bin cune nan no por a bai cu pensioen, pero mester a sigui traha pa sostene nan mes.
ExPromer Minister Mike Eman ta bisa cu pa nos enfermeranan tanto den HOH como den SABA y pa nos mediconan den hospital y priva nos tin cu keda duna e aprecio y atencion mereci, pasobra ta un trabao noble ta worde eherci pa cuida y cura nos sernan keri.