Accidente ariba brug di Green Corridor cu criatura di 2 aña envolvi aden

Green Corridor – Diabierna anochi den careda di 9’or alarma grandi a wordo bati pa un auto cu bolter altura di e brug di Green Corridor. 

Segun nos a compronde lo ta un auto di famia bayendo direccion rotonde ex Drive Inn pa un of otro motibo a perde control y kentel.

Segun nos a compronde ta trata di un auto Renault, cu lo tawata tin un criatura(2) den dje.

E criatura tawata esun prome pa wordo transporta pa Hospital.

Pero mientrastanto Materiaalwagen a wordo notifica debi cu un persona a keda pega den auto, e persona tawata na tino y nan tawata keda papia cune.

Cuanto hende tawata tin den e auto no ta conoci.

Motibo di e accidente no ta conoci.

Caminda ta cera na e momentonan aki, debi na e trabou di rescate di parti Brandweer.