Multa di parti polis pa establecimento cu no a cera na ora stipula

Tanki Leendert – Dialuna marduga den careda di 1’or polis controlando establecimentonan nocturno ariba nan Sluitingstijd o sea horario pa cera.

Den careda di 1’or polis a pasa e Club aki y mirando cu semper nan ta coopera polis a bay dal un vuelta probablemente dunando chance pa cera y hendenan bandona e luga.

Despues di mas o menos un ora polis a pasa bek, esaki tawata den careda di 2’or.

Pa polisnan “sorpresa” a bin haya e establecimento nocturno aki ainda habri, pafo tawata tin hende y paden tambe.

E patruya cu a constata esaki a pidi asistencia di mas polis pa asina bay over na cera e luga.

Na final segun nos a compronde cu multa a wordo duna tambe na e persona encarga cu e luga.