Home Police Autoridad lo mester puzzel un supuesto caso di atraco den Korvetstraat

Autoridad lo mester puzzel un supuesto caso di atraco den Korvetstraat

SHARE

Korvetstraat – Diadomingo anochi autoridad a wordo poni na altura di un caso di atraco, esaki a sosode den Korvetstraat.

Segun informacionnan e momento ey, tawata papia di cu atracadornan lo a baha algun hende for di nan Toyota 4runner y bay cune lagando e hendenan na pia. No ta conoci si arma a wordo usa pa forsanan baha di e auto.

Awor ta unda e storia ta bira straño, ta parse cu e supuesto atracadornan lo a trece e auto bek of lo no a bay mucho leu y nan ta bin haya e Toyota 4runner cerca di unda nan a forsnan baha. Parse den e mesun caya.

Aparentemente cu esnan cu lo a bira victima a fia e 4runner di un otro persona. Despues cerca di unda e doño ta biba e incidente ta tuma luga. Esnan cu a bay cu e auto a bay cu cellularnan tambe di e dos personanan.

Autoridad a activa esnan concerni manera recherche y tambe departamento tecnico di polis. Na e sitio a papia y tuma declaracion di diferente persona.

Awor ta keda na polis pa saca afo kiko di berdad tin tras di e caso aki.