Socotorolaan – Diabierna marduga polisnan a wordo informa cu kiebro a wordo cometi na e restaurant Kingdo(ex Mido) situa Windstraat.
E biaha aki si Polis a logra pone man ariba e conocido adicto y ladron di Fam Fradl.
Siman anterior e mesun adicto aki a comete destruccion y tambe ladronicia na un cantidad di negoshi na Certified Mega Mall y vecindario.
Camaranan di siguridad a capta tur momento cu e tawata comete su actonan, pero autoridad sea no a buske of lo no por a haye e dianan ey.
Diabierna marduga polis a haye pazuid di Post Kantoor y tawata den posesion di material horta, esakinan tur tawata pertenece na e restaurant.
Mesora a detene y hibe warda di polis.
Comunidad ta spera cu Husticia por tene Fradl cera pa un tempo, pa comerciantenan tambe por tin un poco trankilidad.
Di otro banda e tipo di hendenan aki mester di ayudo pa rehabilita y asina drenta comunidad bek.
Ta compronde tambe cu e no ta bay den un dos tres, pero mester wordo haci.
Paso di e manera aki lo keda carga awa hiba lama.
