ORANJESTAD – Den e proximo dianan Departamento di Impuesto lo saca e cobransanan adicional
(naheffingsaanslag) di winstbelasting 2014 fecha 31 di december 2019, pa e contribuyentenan cu no a haci
declaracion y/of no a haci e pago di impuesto debidamente.
E contribuyentenan cu no a cumpli (na tempo) cu entregamento di e declaracion definitivo di winstbelasting
2014, lo haya e cobransa menciona inclui un boet. Mescos ta conta si acaso e cliente a paga un suma menos cu
locual el a declara na winstbelasting. E boet pa no cumpli cu entregamento di e declaracion ta maximo
Afl. 2.500. Si no a haci e pago di winstbelasting of no a haci e pago na tempo y corectamente, e boet ta maximo
Afl. 10.000.
Di acuerdo cu ley, e contribuyentenan cu ricibi e cobransa adicional di winstbelasting 2014 ta haya dos luna pa
paga e suma di e cobransa.