131
L.G.Smith Boulevard – Dialuna marduga polis a bay poco panort di Palm Beach Plaza yegando Marriott Surf Club, unda un accidente di trafico a tuma luga.
Na yegada di polis nan a constata cu ta un auto so tawata envolvi.
Esaki a sosode momento cu e auto a perde control y baha caminda dal contra algun baranca y mata.
Mirando con e vehiculo a keda polis a puntra e chauffeur si e lo ta desea asistencia medico.
Pero e chauffeur no tawata kier.
Polisnan a tuma tur datos y despues di hala piezanan cu a keda gespart ariba caminda nan a continua nan patruya.
Daño material ta grandi.
