Semper mi tawata un persona for di mi hubentud cu mi kier a aporta na ajudo. Juda un tiki aki y juda un tiki aya. Pero despues di tempo segun cu bo ta crece bira mas grandi bo ta bira un persona cu ta carga mas responsabilidadnan. Bo tin bo trabow, bo cas y bo tin bo yiunan. Pero asina cu bo yiunan ta mas grandi bo ta haci bo best pa haci mas. Mi a crea pa mi bario Mabon un comite jama Comite Mabon NPU cu ta Nos Prohimo Uni unda cu e Comite tawata plania diferente actividadnan pa e muchanan di bario y nos grandinan. Mirando problemanan cu tin den tur bario mi a disidi cu mi lo desea di uni cu otro barionan pa papia cu otro comicionnan di bario pa nos traha riba un plan pa tur bario. Un plan basico pa juda e barionan y traha riba e problemanan. Pero mi a wordu aserca door di un hoben pa puntra mi si mi kier forma parti di un Boot Camp. Mirando mi deseo precisamente pa juda hobennan mi a asepta y cuminsa traha di biaha pa realisa e Proyecto di Boot Camp y nos a logra realisa e Proyecto. Mi no lo bai papia muchu tocante di e Proyecto aki cu tur parti di mundo nos arubianonan tawata sigi e riba facebook page y tawata apoya e Boot Camp pero nos aki na Aruba tambe. Lamentabelmente e no a dura. Mi persona nunca kier a give up mi deseo di juda. Mi kier a realisa e ora ey un Change Camp. E Change Camp aki no ta mescos cu e Boot Camp pero e ta basa mas riba Educacion pa no solamente sinja idioma pero tambe e ofishinan basico y tambe scucha e hobennan y duna nan e educacion di bida ja cu nan ta esnan cu ta e futuro di majan. Pa judanan no kai den droga, alcohol, kwida nan mes pa n o bira mama y tata na un edad jong pasobra bida no ta fasil. Lucha pa crea un bon futuro. Den e Change aki no ta existi cashot sino un thinking room unda cu si acaso algo a bai robes sea den klas of riba e tereno unda cu tin break, lo hiba e mucha den e thinking room pa e pensa riba e situacion y cu un pen y pida papel e por pensa y scirbi con e situacion por a bai otro y na final e mes lo mira cu e por a actua otro. Asina poco poco bo ta juda e mucha pa cambia su comportacion y actitud. Papia cune y dune conseho y guiansa. Pero lastimamente e edifisio di Leon Battery San Nicolaas ta rekeri un gasto grandi cu a haci e imposibel pa realisa e Proyecto sin judansa financiero. E lucha ta sigi pa juda aki y aya. Judando nos adictonan abulantenan cu loke bo por. Organisa Proyectonan manera Derechonan Humano na anja 2017 y 2018. Proyecto di Recovery Month treciendo concientisacion riba droga y alcohol na anja 2018. Na comienso di anja 2019 Dios a pone na mi curason pa mi crea un Programa Social unda mi por trese topiconan social pa educa, informa y concientisa nos riba problemanan social. E Programa mi a dune e nomber “Bo Programa Social” presenta door di mi persona Astrid Vries bow di e nomber Cu Astrid bisa Mi. For di Maart 2019 tin mi programa na Mega fm 88.1 pa esnan cu kier scucha mi programa via radio. Pa mantene e radio lo mi aserca comerciantenan pa duna mi e sosten pesei mi ta invita Comerciantenan y Pueblo di Aruba pa scucha mi di dialuna pa diabierna 5 or te 6 or di atardi “Bo programa Social” via radio Mega fm 88.1 y por volg mi riba facebooknan Aruba Human Rights for All ta mi page principal, Cu Astrid Vries bisa Mi of Comite Mabon (Ban Educa y Prepara). Banda di esaki pa e mesun motibo di tin un curason social a haci mi cada dia mas hopi critico contra gobierno y den e direccion aki mi kier continua cu cualkier gobierno cu sinta den futuro pa mira mehoracion den social. Si ami por cambia pensamento di esnan cu ta scucha mi programa social cu e ta desea sea pa sali for di e caminda robes, of juda pa un hoben no drenta e caminda robes mi ta contrubui di e manera aki na bida di un persona individual pa tuma mihor decision y tambe na mi Pais. Cuanto mas un gobierno por haci teniendo e financia y tur e departamentonan bow di nan maneho por haci pa e cuidadanonan. Masha danki pa lesa y compronde cu como prohimo nos tin e responsabilidad pa stima otro manera nos ta stima nos mes. Es decir pa no haci cu otro loke bo no kier pa otro haci contra bo. Tampoco no perhudica un persona pa bira bo victima ni tampoco perhudica un persona pa haci otro bira un abusador. Huntu nos por bira un mihor persona y huntu nos por crea un mihor Pais pa e futuro generacion cu ta sali for di cada cas di famia. Compartiendo un tiki di mi experiencianan pa splica unda nan a hiba mi persona awe y mi ta contento cu cada sabiduria y comprondemento cu e ta agrega na mi bida.
Cu Astrid bisa Mi! email: [email protected] of contact 5933156.