Puntrando pa kiko nan a detene: Pasahero a bin warda su vuelo den oranan di marduga, polis a detene

Queen Beatrix International Airport  –  Diaranson marduga polis a wordo informa door di Security di Airport cu tin un persona sospechoso ariba nan tereno.

E persona un hende homber lo a bay sconde tras di un Counter di un negoshi eynan.

Na yegada di polis nan a wordo mustra unda e homber ta y mesora polis a bay atende cune.

Agentenan a bin topa un cabayero segun ela bisa e ta di Ireland.

E momento ey e tawata comiendo un Icecream cu bolo.

Su version tawata cu diaranson atardi su vuelo ta, pero a bin for di awor pa warda.

E no tawata tin ningun documento di identificacion cune.

Polis a bay over na detene y hibe warda, unda lo por saca mas informacion di dje mirando cu un hende normal no lo haci algo asina.