Sero Blanco – Diaranson den oranan di mainta polis a bay un adres na Sero Blanco, unda tawata tin un problema serio di pareha.
Segun nos a compronde durante e discusion e homber lo a hinca e muhe den area di su pia. No ta mucho duidelijk con tur cos a sosode y pa e homber hinca e muhe te na su pia, ta wordo pensa cu e dama a cay y durante e caida e homber a hinke.
E homber a wordo deteni na e adres mes y transporta pa warda di polis.
Polis a papia cu e dama, pero elo no tawata desea asistencia medico.
Algun tempo atras a pasa un “ley” unda cu si e dama/señora cu wordo agredi no kier haci denuncia autoridad por detene e agresor asina mes.
Ultimamente a sosode varios caso di maltrato domestico, pero no a mira cu autoridad a efectua detencion relaciona cu e “ley” cu tin pa trata na caba of baha e problema creciente(for di man) aki.
Slachtofferhulp a wordo pidi na e sitio pa duna e dama e sosten y consehonan necesario.