Montaña – Diabierna marduga pa mas o menos 4:30 coriente a bay den area di vecindario di Noord. Na warda di polis na Shaba coriente a bay tambe.
Algun rato despues informacion a drenta cu ta poco panort di Warda mes e accidente a sosode, esta den area di e Colegio Felipe B. Tromp.
Un chauffeur bou influencia na stuur di un Suzuki Vitara lo a bay dal strit contra un palo di luz, un di esnan cu tin Transformer pega ariba. Esaki tawata ariba e crusada T na Montaña cu ta bay pa Colegio Felipe B. Tromp.
Na yegada di polis mesora a pidi pa Elmar, debi cu e palo di luz a kibra y a keda wanta ariba cabel di Setar. Door di esaki coriente a bay den varios area eybanda.
Polis a bay over na laga e chauffeur supla, aunke cu tawata asina obvio cu e ta bou influencia, unda cu e mes lo a bisa polis tambe esey.
Pero, mester sigui protocol y e agente a haci su parti.
Por a mira cu a duna e chauffeur burachi varios chance, pero lo no tawata por a supla.
A pidi presencia di Ambulance debi cu e chauffeur a ricibi golpi na wowo. Na yegada e mes a subi Ambulance unda cu Paramediconan a atende cune.
Despues a opta pa hibe Hospital, unda cu un agente a compaña e Paramediconan den Ambulance.