108
Un costumber bunita cu sigur ta hayando bida den comercio na Aruba, ta ‘Black Friday’. Tiendanan ta brindando nos pueblo hopi articulo na prijs reduci pa asina contribui tambe na e cartera di tur ciudadano den e temporada di fin di aña.
Vision di Gabinete Wever-Croes ta pa trece movimiento di progreso y ambiente den nos centronan di ciudad. Comercio sigur ta hunga un rol hopi importante den esaki. Diabierna, nos por a constata Caya G.F. Betico Croes un biaha mas druk y yen di ambiente cu e ofertanan di ‘Black Friday’ cu e tiendanan tawata ofrece.
Hopi ciudadano a haci uzo di e oportunidad aki pa haci nan compra pa e dianan di fiesta benidero. E ambiente di Pasco y Fin di Aña por a wordo senti den cada skina di Caya G.F. Betico Croes.