Actividad 2: Campaña di Prevencion y Concientizacion riba Dia Mundial di Diabetes:
ORANJESTAD – Relaciona cu Dia Mundial di Diabetes 14 di November ultimo miembronan di Aruba One Happy Island Lions Club hunto cu Dr. Dellanire Maduro tabata na 2 punto na Aruba repartiendo saco cu appel cu mensahe positivo pa hiba un bida mas saludabel.
Ademas a reparti foyeto cu informacion di posibel sintomanan di diabetes na automobilistanan den cual tabata tin mayornan cu tabata hiba nan yiu scol, como tambe esnan cu tabata na caminda pa trabao.
E meta di e accion di diahuebs mainta tempran tabata pa habri e Dia Mundial di Diabetes concientizando nos comunidad riba e malesa di Diabetes y su riesgonan promoviendo nos comunidad pa hiba un bon alimentacion y bida activo.
Aruba One Happy Island Lions Club ta mira riba un accion hopi exitoso cual a wordo hopi bon ricibi y e reaccion den comunidad tabata hopi positivo.
Un danki pa e apoyo ricibi y esaki sigur ta motiva e organisacion pa sigui eherce trabao di servicio na bienestar di nos comunidad y muy especial na esnan cu ta mas den necesidad.