Parlamentario Endy Croes ta mustra cu di acuerdo cu informacionnan ricibi e caso IBIS cual caso ta draai rond di e actor principal ex Presidente di parlamento y ex Minister di AVP esta Paul Croes lo ta den tapara pa aparece dilanti mesa berde den Hoge beroep den luna di november y si tur cos ta cuadra cu informacion lo ta 26 di november. Paul Croes a wordo deteni 21 di augustus 2017 momento cu e investigacion riguroso a determina cu tin pruebanan palpable pa cu su detencion.
Bagamunderia a cambio di placa
Paul a wordo acusa di entre otro labamento di placa, ambtsmisbruik, organisacion criminal, soborno pa nombra algun. Den transcurso di esaki landsrecherche hunto cu RST y un cuerpo grandi di investigacion a tap Paul su combersacionnan y por a compronde y prueba dilanti hues e manera cu ex minister di AVP esta Paul Croes tabata opera. Mas di 500 mil florin a wordo cobra pa duna ontheffing y duna permiso na hendenan di exterior manera bewaker y security mientras Aruba tin un lista largo na DPL di hendenan cu por a cubri e funcionnan aki. Tur a cambio di placa.
Tres hues lo studia e caso
Ta sospecha alrededor di 2000 ontheffing Paul a duna den cambio pa un pago. Corte den promer instancia a haya esaki asina grave y a sentencia Paul Croes di AVP na 4 aña di prison y 9 aña cu e no por cubri ningun funcion den gobierno y tampoco por aparece riba un lista politico. “PROHIBI pa LUBIDA! Paul sinembargo no a keda satisfecho cu e castigo y a bay Hoge beroep unda 3 Hues awor lo bay studia e caso pa duna un veredicto nobo. Ministerio Publico tambe di su parti a bay Hoge Beroep. Pues un caso interesante unda un representante di pueblo, ex Presidente di Parlamento y ex Minister di AVP a wordo condena cu sentencia di prison.
Fraude y corupcion
Banda di esaki muy pronto nos lo cuminsa tende mas tambe di e caso di Benny Avestruz Sevinger alrespecto corupcion den tereno. Otro ex minister di AVP. Nos por corda tambe ex minister Tico Croes tambe di AVP a wordo condena den un strafrechterlijke zaak. Pues candidatonan riba lista di AVP tin un mala maña cu nan kier bira rico den corto tempo. Tuma nota di Richard Arends y su Horizon Consultancy cu a cobra 4 miyon di gobierno. Tuma nota di Speed y Patrick Paskel cu Thera Group cu a strica 7 miyon cerca Mike Eman. Nos lo mester percura pa caba cu ladronicia, caba cu Fraude, caba cu Corupcion y nos sistema hudicial por aporta pa duna un rumbo corecto riba esaki pa nunca pero nunca mas Aruba haya gobernantenan corupto den poder pa dirigi e pida baranca aki.