Kibaima/Maria Maai: Diadomingo den oranan di mainta polis a haya un informacion di un pickup cu a hit and run un palo di luz riba e caminda di Kibaima pa Mond’i Fierno.
Mesora a manda un patruya di polis na e sitio, na yegada testigonan a conta polis cu un pickup a baha caminda y a dal contra e palo di luz, kibra esaki y a bandona e sitio. Un testigo a sigui e pickup aki te caminda ela yega para dilanti un cas na Maria Maai.
Polis a bay na e cas aki, pero e cas tabata cera y ningun persona a sali pafo, mientrastanto polis a controla e pickup blanco cu tabata para dilanti di e cas y a bin ripara cu e pickup enberdad tin daño na e parti dilanti, mustrando cu enberdad e pickup aki lo tabata envolvi den boksmento.
Elmar a wordo avisa pa bay atende cu e palo di luz, mientras polis ta investigando e caso aki.