Accidente cu basta daño material na crusada di Avenida Milo Croes cu Stadionweg

Avenida Milo Croes – Diahuebs atardi pa mas o menos 6:30 ta sosode un accidente cu basta daño material na e crusada di Avenida Milo Croes/Stadionweg. 

Segun nos a compronde cu e Honda bayendo direccion pariba a haye confronta cu e Kia Sportage cu a sali su dilanti.

Ocupante di e Honda cu ta un dama tawata keha di dolor na curpa.

Polis y Companianan di seguro a presenta na e sitio, unda e crusada a keda basta rato cera.

Daño material ta considerabel.