Oranjestad – E prome Aruba Bank GTP International Tennis Tournament a tuma lugar entre 11 pa 19 di october 2019. Un total di 64 hungado a participa den e torneo di entre otro Aruba, Corsou, Merca, Alemania, Venezuela, Ecuador, Argentina, Suisa, Jamaica, Canada, Inglatera, Chile, Hulanda, Kenia, Mexico, Irlanda y Dinamarca. Tur tabata tin e oportunidad di acumula punto pa un posicion importante den e ranking mundial di tennis.
Prome cu e campeonato, e tenista Arubiano residencia den exterior y reconoci, Kyle Frankel a bai live pa duna e hungadonan di Aruba diferente tip importante pa tene cuenta cun’e ora di hunga tennis.
Aruba Bank ta contento di por a patrocina e torneo aki pa stimula e interes di hobennan den tennis na Aruba. Un palabra di pabien ta bay na tur participante y nos ta desea tur hopi exito den e deporte.