Home Police Dama a hit and run na Sabana Liber, pero a wordo deteni...

Dama a hit and run na Sabana Liber, pero a wordo deteni cerca di unda e incidente a pasa

SHARE

Sabana Liber – Diasabra marduga polis a haya informacion di un accidente altura di e bocht na Sabana Liber. Pa ta mas exacto e crusada di Sabana Liber cu ta bay pa Montaña.

Un dama na stuur di un Suzuki Swift color cora biniendo di pariba a perde control y bal dal contra cura di un cas.

Debi na e impacto fuerte dos auto staciona den e  cura tambe a ricibi daño.

E dama manera nada un pasa a reverse su Suzuki Swift y sigui bay direccion pabou, unda cu polis ta stop e altura di un supermercado.

Por bisa cu e dama su postura no tawata mustra di un persona bebi. Pero asina mes polisnan a usa e Alco-Sensor (aparato pa midi alcohol) y a constata cu e dama a surpasa e limite stipula pa ley.

Eynan mes ela wordo deteni y transporta pa warda.