“Yuda Nos Yuda Esnan den Comunidad cu ta den Necesidad”
Cumpra Rifa y gana un auto Hyundai Eon 2019 pa solamente 5 florin
Diasabra atardi 14 di september Aruba One Happy Island Lions Club lo ta na Citgo Santa Cruz
ORANJESTAD -Aruba One Happy Island Lions Club” a wordo lanta na aña 2017. Club di Leonnan ta e organisacion di servicio na comunidad mas grandi na mundo. Nos meta principal ta pa duna servicio na nos comunidad cu ta den necesidad .
Diasabra awo 14 di september, Aruba One Happy Island Lions Club ta recauda fondo 2019 y pa medio di un rifa di 5 florin pa ticket bo lo por gana un auto Hyundai Eon 2019, segundo premio ta un Estadia di un fin di Siman na un hotel local y tercer lugar un ticket pa 4 persona por disfruta riba De Palm Island. E sorteo lo tuma luga diasabra 2 di november 2019 pa 8 or di anochi durante un evento na Centro di Bario Tanki Lender. Cu e fondo recauda nos club por sigui haci proyectonan na bienestar di nos comunidad, un apelacion na henter comunidad pa yuda nos yuda esnan den comunidad cu ta den necesidad.
Pa cumpra ticket por acerca nos miembronan y rebendedornan di Aruba One Happy Island Lions Club. Pa diasabra awo 14 di september desde 5 or te 7 or di atardi miembronan di Aruba One Happy Island Lions Club lo ta na Santa Cruz na Citgo Santa Cruz bendiendo e ticketnan di e rifa. Pa buki di rifa por tuma contacto na number 594-0043 of 746-0428.
Yuda Nos Yuda esnan den comunidad cu ta den necesidad.