Accidente ariba rotonde cu ta bay pa Hospital

Avenida Nelson O.Oduber – Diaranson anochi pa mas o menos 8:25 polis a bay e rotonde ariba Avenida Nelson O.Oduber cu ta bay pa Hospital. 

Eynan a sosode un accidente di trafico.

Na yegada di tanto polis y ambulance nan a bin topa cu un Kia Rio y un Hyundai i10, ambos tawata tin daño material.

Na e sitio nos a compronde cu e Kia Rio tawata ariba e rotonde y e Hyundai i10 a subi e rotonde di panort dal contra nan.

Den e Kia Rio tawata tin dos dama cu a resulta levemente herida.

Paramediconan cu a yega e sitio a controla esnan herida na e sitio mes.

Daño material a keda na un minimo.