Aruba ta preparado pa asina forma parti di un intercambio cultural humoristico. Artistanan di Aruba y Curacao ta hunto riba stage na Cas di Cultura dianan 11,12,13 di September. Ya caba e reaccionnan ta hopi. Na Curacao e comedia a yena basta sala. Na Aruba tambe ta bayendo den mesun direccion pa luna di September. Fabian Martina a scirbi e comedia. E ta un hoben artista cu a traha hopi aña na un funeraria. Eynan el a mira hopi cos cu ta pasa ora un hende fayece. Pesey mes el a hinca diferente cos cu el a experencia den un comedia cu a dal fuertemente na Curacao. Un comedia cu ta cuminsa cu harimento y ta caba cu harimento. Un problema den cas cu a bira serio ora e yiu homber Alexander a bolbe di Hulanda pero cu su nomber nobo Alexia. Tata a muri y eynan hopi berdad mas a bin afo. Busca bo ticket na CITGO BLVD y CITGO Esso Ville pa fechanan Diaranson 11, Diahuebs 12 y Diabierna 13 di September.