Home Politics Partido MEP: SUE ANN RAS TA RETIRA DI PARLAMENTO ENTRANTE AÑA...

Partido MEP: SUE ANN RAS TA RETIRA DI PARLAMENTO ENTRANTE AÑA PARLAMENTARIO NOBO

SHARE

Parlamentario SueAnn Ras definitivamente ta retira di Parlamento. Partido MEP a haci un apelacion riba SueAnn pa reconsidera, pero SueAnn ta keda na su decision, en bista cu pa SueAnn ta e miho forma di procede den e funcion cu e tin.

Riba peticion di partido SueAnn lo keda den Parlamento te cambio di aña parlamentario dia 10 di september, pa asina e reunionnan den Parlamento por continua y pa duna partido espacio pa regla e sucesion.

Partido a haci un apelacion riba SueAnn pa sigui yuda Gobierno cu e trabounan riba tereno social y di enseñansa y ta spera cu SueAnn por considera esey.

Partido MEP ta gradici Parlamentario SueAnn Ras pa e trabou cu el a haci durante su temporada como Parlamentario pa Fraccion di MEP y pa Partido MEP y ta dese’e tur exito.