Diabierna atardi Minister Chris Romero a sorpresa tur hende ora cu el a cana drenta pa registra pa e 6K Fun Walk & Run di dia 25 di Augustus di Brazil Taekwondo Stichting cu a cumpli 25 aña di existencia.
Ora cu Minister Chris Romero a cana drenta Centro di Bario Brazil nan a prepara su T-Shirt cu su nomber y number 3 ariba dje. Minister Chris Romero a wordo sorprendi un biaha mas pa Brazil Taekwondo Stichting su miembronan cu a haci posibel pa e tin su nomber y number ariba e T-Shirt den un frega di wowo. Minister Chris Romero a haña e idea aki unico y durante su entrevista cu Facebook di Stichting Brazil Taekwondo el a haci un yamada na nos fanaticonan y pueblo di Aruba pa acudi pa registra pa ta den e 6K Fun Walk & Run diadomingo awo dia 25 di Augustus 2019.
Registracion ta diabierna awo na Centro di Bario Brazil pa tur esnan cu no a logra di registra ainda. Por registra for di 5’or di atardi te cu 9’or di anochi.