Home » Mucha di 12 aña ta fayece despues cu su mayornan a laba su cabey cu insecticida

Mucha di 12 aña ta fayece despues cu su mayornan a laba su cabey cu insecticida

by Admin
0 comment 55 views

Provincia Montecristi, Republica Dominicana: Recientemente un hobencita di apenas 12 aña di edad a fayece despues cu su mayornan a laba su cabey cu insecticida. 

E hobencita aki tabata tin molester di pieu y e mayornan lo a bira desespera y a dicidi di hunta insecticida den su cabey y a lab’e cune pa supuestamente elimina e pieunan, na un forma mas lihe for di su cabey.

E mayornan di e criatura Darleny Perdomo Núñez, ta wordo investiga pa autoridad.

Segun un relato oficial pa Prensa ta bisa, cu e hobencita a muri na un clinica priva den e distrito Municipal de Hatillo Palma den Municipio di Guayubin, den e relato ta bisa tambe cu su mayornan ambos a keda deteni pa mas investigacion.

E causa di morto, ta intoxicacion, esaki causa pa e insecticida cu a wordo causa pa a laba su cabey cune.

Pieu enberdad den nos clima cayente ta algo cu tur mucha por haya y facilmente ta pasa di un mucha pa otro, no necesariamente cu ta of no ta laba cabey constantemente.

Con nos por wordo contagia cu pieu

Pieu ta un insecto, cu no ta pasa via animal pero solamente via hende, especialmente muchanan di entre 3 pa 11 aña y nan famia, cu durante wega ta touch cabes cu cabes y ta comparti cosnan di hinka den cabey,

Tratamento pa combati pieu

E tratamentonan mester ta dirigi pa mata e pieuna y e webonan, hopi biaha pa e webonan di pieu no ta exisiti un tratamento 100% efectivo pa motibo cu e webo ta pega na e cabey via un tipo di cement cu e mama pieu ta produci.

Un forma casereo y mas practico ta usa e peiñanan of borstelnan hunta cu binager pa molia e tipo di cement y ora di laba cabey keda peina e cabey pa nan cay.

Awendia  tin diferente remedi pa combati pieu, nan ta bin den lotion, crema y shampoo y cu ta yuda combati e plaga di pieu.

Semper ta bon pa tuma medida di higiena cu cabey, labe mas regular, pein’e hopi, cabey muha ta saci cu e pieunan no por move liher y constantemente manualmente sacanan for di cabey.

Tur botica ta bende remedi pa combati pieu y semper lesa e instruccionnan bon prome cu use y pone bon tino riba e edad di mucha cu por usa e producto, tin algun cu mucha bou di 5 aña no por usa, tene cuenta cu esaki.

E tratamento pa combati pieu semper ta uso externo, pero hamas usa otro insecticida cu no ta destina pa pieu so of pa usa den cabey di hende, esaki sigur ta hopi malo pa salud di hende. Nunca hunta, spray of laba cabey cu insecticida, e por resulta fatal.

Hamas usa fliet pa mata cacalaca, sangura etc den cabey di mucha, e por wordo intoxica y por ta fatal.

 

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio