Home Police Homber bou influencia causando problema den e area di Hotzone, a keda...

Homber bou influencia causando problema den e area di Hotzone, a keda deteni

SHARE

Palm Beach: Diadomingo den oranan di marduga, presencia di polis ta wordo pidi den Hotzone, na Palm Beach, banda di The Village, pa motibo cu un homber bou influencia lo tabata haci fastioso y lo kier a bringa tambe, mesora polis a bay na e sitio.

Na yegada nan ta topa enberdad cu un homber bou influencia na The Village, mesora nan a bay atende cu e homber aki, kende no a respeta ordo di polis y kier a bringa cu nan. Mesora polis a bay over na detene, pa motibo cu e tabata haci hopi fastioso y no tabata respeta polis.

E homber a wordo deteni y transporta pa warda di polis na shaba, unda e mester a presenta dilanti Sub Fiscal, kende a pone algun ora den un cel pa e bin bij y pa asina por a regresa su cas.