Ranchostraat/Visstraat – Dialuna merdia den careda di 2’or informacion a drenta di un pelea formal ariba e crusada Visstraat cu Ranchostraat. Informacion adicional tawata cu tin un persona seriamente herida na cabes.
Dialuna merdia polis a bay cu urgencia na final di Ranchostraat, unda un pelea cu mandamenti di piedra a laga un adicto seriamente herida y sangrando profusamente na cabes.
A resulta cu e adicto Chito D a haya un baranca den cabes, cu a bente abou y causa un herida serio cu tawata sangra masha hopi. Parse cu Chito tin relacion cu un persona eybanda.
Agentenan policial na e sitio a mira cu ta trata di un golpi sumamente fuerte y a cuminsa pidi ambulance cu maximo urgencia. Segun e polisnan cu te hasta den shock Chito D lo tawata drentando.
Lamentablemente ambulancenan tawata ocupa e momento eynan y lo no tawata tin niun pa yega y trata e victima.
Despues di algun rato a presenta un ambulance y mesora Paramediconan a cuminsa atende adicto y transporte pa Hospital. Por a mira cu esnan presente a lora un paña na cabes di e adicto pa asina pone presion unda e sanger tawata spuit.
Na e momento eynan polis no a detene niun persona, pero si parse cu nan ta na altura di kende e agresor ta.
Motibo di e pelea y maltrato serio aki no ta duidelijk te awor.