57
Cura Cabay – Dialuna marduga 2:54 a.m polis y a brandweer a sali cu urgencia direccion Cura Cabay, pa un cas na candela.
Na yegada nan a topa cu un uitslaande brand, esta cu e cas tawata completamente na candela.
Brandweer cu a yega hopi lihe, parse den cinco minuut.
Mesora a cuminsa combati e candela cu tawata na percela Cura Cabay 94.
Mientras cu tawata combati e candela bomberonan tawata tira bista pa si por tin hende den e cas. Danki Dios no tawata tin ningun hende paden.
E candela a causa daño grandi na e cas. Instancianan concerni a wordo poni na altura, mirando cu e famia a perde casi tur cos.
BFTO a wordo notifica pa investiga si e candela por tawata intencional.