Rooi Santo/West Punt – Diabierna anochi den careda di 11’or polis a bay cu urgencia panort di Ting Wei Supermarket na Rooi Santo, unda un auto lo a ranca un palo di luz.
Na yegada di polis nan a constata cu debi na accidente un gran parti di Rooi Santo y Esmeralda bay nort a keda sin coriente.
Mirando cu tawata trata di un palo di luz grandi mesora a avisa Elmar, debi cu esaki a kibra un manera y ta causa peliger.
Na e sitio nos a compronde cu e vehiculo cu a causa e daño a bandona e sitio.
Lo tawata trata di un Nissan Fuga y segun informacion e auto no a haya mucho daño tampoco y door di esaki elo por a move lihe bay.
Un team grandi di Elmar mester a presenta na e sitio pa asina traha pa re-establece coriente den e bario.
Caminda mester a wordo cera pa por a haci e trabou.