Oficialnan Canades ta buskando dos teenager kendenan ta wordo sospecha di a comete varios asesinato, na prome instante a pensa cu nan lo tabata perdi.
Ottawa, Canada: Riba 15 di juli ultimo e curpanan sin bida di Chynna Noelle Deese y su amigo Lucas Robertson Fowler a wordo haya canto di un highway bandona na e parti zuid di Canada. Chynna y Lucas tabata den un van haciendo un roadtrip pa bay direccion di Alaska. E Van a wordo haya cu e glas di patras kibra den e area di Liard Hot Springs, e curpanan a wordo haya cerca di e van. Segun autoridad Canades muy probablemente e pareha a wordo asesina riba 14 of 15 di Juli.
Riba 19 di Juli, cuater dia despues riba e mesun highway ey autoridad ta topa un van completamente kima, un dos kilometer mas leu nan ta topa un curpa di un homber ainda no identifica. E van cu a wordo haya aparentemente ta pertenece na e dos teenagernan Canades Kam Mcleod di 19 aña y Bryer Schmegelsky di 18 aña. E dos teenagernan aki a wordo raporta perdi.
Actualmente autoridad local ta sospechando cu e dos teenagernan aki lo a comete e asesinatonan aki y a manda un advertencia pa e habitantenan den e areanan aki si nan sa unda e dos teenagernan ta pa tuma contacto cu autoridad.