ORANJESTAD, Aruba – Francisco “Eric” Feliciana ta cliente di EcoTech pa algun aña caba despues di a bay un actividad di EcoTech. Desde e dia ey te awe, e ta un cliente satisfecho di EcoTech. E ta cataloga e servicio como “A-1”.
Tur diahuebs den oranan di marduga e truck ta pasa y ta haci e bari limpi, hinca bek den cura nechi nechi. “Mi no sa mes cu nan a bin, pasobra nan ta bin den marduga. Nan ta bin 4:00am y mi ta haya mi bari nechi poni,” el a conta.
Te cu aworaki Francisco Feliciana no a yama EcoTech nunca pa duna un reclamo, al contrario, regularmente e ta elogia e compania y su trahadonan riba Facebook. E ta convenci cu mescos cune, mas cliente tambe ta mesun satisfecho y orguyoso di e servicio ricibi. E servicio cu Eric Feliciana tabata haya prome cu e otro compania no tabata na su agrado. Esey a haci cu el a cambia y bay cu EcoTech.
Na final el a sigura di ta masha contento mes cu EcoTech y ta conseha esun cu kier cambia pa EcoTech, por haci esaki pasobra e servicio ta hopi bon. Antes e no tabata paga e otro compania, pero desde cu a cambia pa EcoTech, e ta paga Awg. 28.10 pa luna, pero no tin ningun dolor di cabes tampoco. Ta bale la pena paga p’e servicio cu clientenan ta ricibi for di EcoTech.
FIN