Home Politics LAR LO TRATA E “BEZWAAR” DI UPP ENTORNO SU PETICION PA HAYA...

LAR LO TRATA E “BEZWAAR” DI UPP ENTORNO SU PETICION PA HAYA COPIA DI TUR DOCUMENTO RESPECTO E FIX BIDDING DI E INCINERATOR CHIKITO DIABIERNA 12 DI JULI 2019.

SHARE

 

                                 

 

 

     

 

 

 

  

 

Manera ta conoci for di comienzo di aña 2019 UPP tabata informa pueblo tocante di un destaho bou man cu a tuma lugar na december 2018, unda un biaha mas Otmar a percura pa fix un amigo un proyecto cu lo bai costa mas di 15 miyon florin.

 

UPP a pidi a solicita pa haya copia di e documentacionnan rond di esaki, pero Otmar a keda insisti cu UPP lo no por haya copia, pero solamente “inzage”.

UPP no a keda contento y a bai den “bezwaar”. Y asina a manda e “bezwaar” aki pa LAR, cu lo ser trata diabierna di 12 di juli 2019. E comision di LAR a reserva di 9.15 te cu 10or mainta pa UPP por bin defende nan punto di bista. 

 

Ta mas cu obvio cu Otmar ta haci tur loke ta na su alcanse pa UPP no haya copia y asina desenmascara Otmar.

LOB ta un “uitvloeisel” di nos constitucion, loke de facto ta nifica cu ta un derecho constitucional di cada ciudadano y/of organizacion pa por haya documentonan pa asina ey nan por haci nan trabou manera cu mester ta.

 

Pues UPP  ta spera cu nan haya razon, pa pueblo asina e berdad sali na cla. Y ta di spera tambe cu den e caso cu UPP haya razon, y cu e comision di LAR duna nan conseho, Otmar bai over pa mesora duna e copia di e documentonan y no bolbe busca otro pretextonan of bay contra e ley di openbaarheid van bestuur.

 

Aruba,  11 juli 2019

Booshi Wever

Lider UPP

Brazil 163