V-car posiblemente horta haya na Santo Largo marduga

Savaneta – Diaranson marduga durante patruya polis ta topa cu un Hyundai Accent, esaki tawata hinka den e Mangelnan na Santo Largo.

E auto cu ta un v-car posiblemente a wordo horta diamars merdia. Turistanan cu a bay Mangel Halto ora nan a bay bek na e auto esaki no tawata tey mas.

A pidi takelwagen pa ranca e auto di unda e tawata.

Den casonan manera esaki e auto ta wordo poni na warda pa Joyriding Team haci nan investigacion, esey si nan haye necesario.