PALM BEACH, ARUBA – Aruba Marriott Resort & Stellaris Casino a wordo nombra e ganador di e reconocimento “Operational Excellence Award 2018” dentro di e region di Caribe y Latino America pa locual ta e categoria di “Premium Full Service”, durante di Marriott su “Operations Summit” na Cancun Mexico.
E hotel a wordo reconoci cu e premio prestigioso aki basa riba un aña sumamente exitoso, logrando resultadonan halto riba e hotel su “operational scoreboard”. Esaki ta inclui resultadonan impresionante riba tur auditorio (brand standard audit, safety audit, Marriott Bonvoy audit), como tambe puntonan halto riba tur parametronan clave cual ta midi e satisfaccion di huespednan riba riba calidad di servicio (experencia ora di check-in, servicio di staff, calidad di cuminda, limpiesa di camber, speed y funcionamento di internet, y aprecio pa miembronan elite).
“Pabien na e ekipo completo pa a gana e premio aki di “Operational Excellence Award 2018”, a comparti Karen Chastain, Complex General Manager. “Mi kier gradici tur nos asociadonan y ekipo di gerencia pa nan compromiso continuo y dedicacion na e hotel su exito aña tras di aña”.
E elogio aki ta evalua e funcionamento di cada hotel y ta un di e maneranan cu Marriott ta celebra su asociadonan y ta honra e hotel nan cu ta brinda un ehempel legendario di “spirit to serve” ora di sirbi su clientenan como tambe e comunidadnan unda nan ta opera. E ta e parti di mas importante di Marriott su principe cual ta wordo exponi por medio di e compania su fundador J. Willard Marriott, cual ta “if you take care of your associates, they will take care of the customer”.
Un tiki mas di Aruba Marriott Resort & Stellaris Casino:
Aruba Marriott Resort & Stellaris Casino ta situa na Palm Beach y ta consisti di 414 camber cu balcon priva cu bista pa e pool relajante y tambe pa e awa nan blauw di lama. Huespednan cu ta desea exclusividad por has reservacion na e Tradewinds Club, un boutique hotel di Aruba Marriott Resort. Ademas e hotel ta ofrece un ‘adults only’ pool cu ta brinda privacidad superior y tambe un variedad di restaurantnan cu ta garantisa un experencia unico. Pa esnan cu kier disfurta y relaha, por hasi uso di e casino mas espacioso na Aruba y e ‘award-winning’ spa. Pa mas informacion por tuma contacto cu Aruba Marriott Resort & Stellaris Casino na 586-9000 of bishita www.arubamarriott.com of www.tradewindsclubaruba.com. Tambe por bishita Aruba Marriott su Facebook y Twitter page www.facebook.com/ArubaMarriott y @ArubaMarriott.