ORANJESTAD – Den cuadro di aporta na Aruba su situacion socio-economico, Nature’s Discount Aruba – un organisacion cu ta para pa un bida saludabel y bon balansa – a provee nan propio ekipo di empleado un curso pa mehora nan conocemento y comportacion ora ta trata na maneha nan finansas personal.
Hecho ta, cu un bon maneho di finansas ta e base y esencia di liderazgo, tanto riba tereno professional como riba tereno personal y consecuentemente e ceno familiar. Ora nos ta papia di liderazgo nos ta papia di tuma e riendanan di control di nos bida y bida di nos famia den man. Aunke no semper nos vision ta completamente claro pero una bez nos finansas ta bou di control, ordo y disiplina ta desaroya y e ta prepara nos pa futuro oportunidadnan cu ta presenta.
‘Falta di educacion financiero’ cu hopi ciudadano tin ora ta trata di maneha nan finansas, y mas aun durante un temporada unda hopi cuidadano ta sinti nan reta pa logra cubri tur nan nesesidadnan basico di manera sano, ta trece hopi stress riba e empleado su salud y nivel di produccion.
Den cuadro di esaki, Lead2Success a lanza curso di finansas dirigi pa kibra e ciclo visuoso primeramente, cu ta pa primeramente, ‘sali for di debe’ y sana e situacion urgente di deficit cu empleadonan ta biba aden. Un ciclo visuoso cu ta trece un presion financiero enorme den matrimonio, famia, parehanan y consecuentemente ta continua pa nan luga trabou.
“
E problema di ‘raporta malo’ y keda sin presenta na trabou ta un reto pa hopi compania, como tambe seguro mediconan ta enfrenta y pa un gran parti esaki ta un resultado di e empleado su situacion y preocupacion financiero.
Problema financiero ta e di dos causa mas grandi di divorcio riba nos isla y for di nos propio encuesta recien haci a bin conclui cu 9 di 10 persona no ta traha cu un presupuesto mensual. Trahando un bon presupuesto mensual ta percura pa un bista concreto riba entrada y salida di nos finansas. E ta yuda nos alcansa nos metanan, sali for di debe, prepara pa un bon pensioen y te hasta construi un fundeshi financiero pa nos yiunan por continua e construccion financiero pa futuro generacionnan.
E session di introduccion lo tuma luga den sala di Hope Civic Center – situa riba di dos piso di Wendy’s Aruba/Cinnabon pa playa, dia 19 di februari 2018 cuminsando for di 7:00 te cu pa 8:30 di anochi. Ta rekeri pa registra pa asiento via nan pagina di web www.lead2success.net. Pa mas informacion tambe por tuma contacto via 5934535.