Violado, abusado, pedofiel etc. tur parti mundo nan ta, pero e biaha aki na Alemania e violado aki a wordo gara hopi lihe, tanto bal cu ela bisti un maskarada.
München, Alemania: Diamars den oranan di merdia, ta sosode un caso tristo di abuso di mucha, un homber bisti cu un mascarada di Wolf a viola un mucha muhe di 11 aña.
E homber bisti cu e mascarada di Wolf a gara e mucha, ela morde y a lastre hinke den un mondi, caminda ela ranca e paña for di e mucha su curpa y a viola e criatura aki. Despues cu ela caba cu e acto horibel aki, mesora e homber a huy for di e sitio.
E mucha a yega basta altera su cas y a conta su mama loke a caba di sosode cune, mesora e mama a contact polis.
E agentenan policial cu a tuma e declaracion di e criatura niun momento a duda di su declaracion. Pa motibo cu na momento cu e homber a lastre hinke den e mondi, dos hende cu tabata eybanda a mira esaki. E dos testigonan aki tambe a bay polis pa bisa polis loke nan a caba di presencia, nan a mira parti di loke a sosode cu e mucha, pero no a mira e homber ta viola e mucha. Polis ta papia di un caso cu masha poco sa sosode pero viola mucha sigur ta wordo considera un acto hopi serio.
Despues cu e polisnan a tuma declaracion di e mucha y di e dos testigonan, nan a cuminsa cu e investigacionnan necesario. Un test di DNA a wordo haci cu e mucha y asina e polis nan por a yega na e sospechoso, kende den pasado caba a wordo sentencia pa entre otro abuso di mucha.
Camaranan di siguridad na un station, a capta e homber cu riba un distancia di 20 meter tabata sigui e mucha muhe y un rato despues ela gara e mucha y a viol’e. Manera e identidad di e violador tabata conoci autoridad a bay na trabou di e homber y a detene.
E polisnan ta buscando e mascarada, te na e momentonan aki nan no a haya esaki.
