Altezza a perde control y baha caminda ariba Sasaki

Sasaki – Diamars mainta den careda di 10:15 a.m polis y ambulance a bay ariba Sasaki, na unda un auto a bay dal contra un mata.

Na yegada pazuid di e luznan di trafico na Palm Beach nan ta topa cu auto Altezza destrui benta memey di Sasaki.

Na stuur un dama. Segun nos a compronde e Altezza lo tawata bayendo cu velocidad hopi halto panort, y pa un of otro motibo a perde control baha caminda y dal den mata.

Paramediconan na nan yegada mesora a bay atende cune, y despues a pone ariba e stretcher y a hibe den Ambulance. E dama tawata na tino pero ta mustra di tawata basta spanta tambe.