Paradera: Diadomingo algo despues di 10’or di mainta, un patruya di districto di Noord, ta dicidi di para un Pickup, Chevrolet S10 pa un control.
Na momento cu nan a pidi e chauffeur pa su rijbewijs, e no por a mustranan un rijbewijs y a bin haya sa cu e tin hopi aña caba ta core auto sin rijbewijs.
E agentenan policial a dicidi di detene y asina trata na siñe un les, pa mira si awo si elo percura pa bay saca su rijbewijs.
Ultimamente polis ta actuando cu man duro ora haya chauffeurnan ta core auto sin rijbewijs. Hopi chauffeur cu durante control nan ta hayanan sin rijbewijs ta keda deteni. Hopi di e chauffeurnan aki aparentemente no ta mira e importancia di tin un rijbewijs valido.
Riba caminda tur auto ta vunerabel pa cualke accidente, un accidente por ta na skina di bo caya, pero sin rijbewijs seguro no ta cubri e gastonan y ta bo mes mester bay paga, semper ta miho gasta un par di cien florin na rijles pa haya bo rijbewijs, cu core sin rijbewijs y hayabo den gastonan di miles y miles di florin of cu pa resto di bo bida bo mester keda paga pa nan.