Despues di varios aña nos ta bayendo den bon direccion cu e area mas historico di Aruba. Awe Diaranson 29 di mei, 2019 San Nicolas tin un otro milestone positivo. The wait is over, Island Festival ta cuminsa mañan y esaki lo ta riba e ultimo diaranson di tur luna.
Mi kier a felicita Minister Danguillaume Oduber, ATA San Nicolas y e board di Island Festival Foundation. Mi ta desea nan tur sorto di exito cu e festival aki. Cu e festival lo crece tanto pa nos turistanan como nos localnan. Cu esaki trece nos mas hunto den e fabricacion social cu ta resalta den nos pais. Nos pais no ta produci nada, ta nos hendenan e cultura multicultural aki ta haci nos pais grandi y un di esnan cu e calidad di bida mas halto den region.
Island Fest ta bay ta un evento cu un concepto ful diferente, esaki ta debi cu lo bay tin un show historico impactante nunca antes bisto, tambe ta bay tin 2 banda musical. E cayanan di San Nicolas lo wordo transforma cu iluminacion y cu hopi entretenimento. Island Fest lo bay tuma lugar entre e 3 cayanan riba e rotonde cu e strea. Cada caya lo bira un Island y lo tin su mesun tema, entretenimento, show, bar y cushina. Tin hopi reto cu Aruba ta pasando aden pero sigur gabinete Evelyn Wever Croes lo sigui lucha pa caba cu e disbalance economico cu ta existi. San Nicolas UP.