Diamars mainta, ex prome minister y lider di AVP Mike Eman y Parlamentario Robert Candelaria, tabata den e programa Moru Bon Dia di Tele Curacao.
Parti mainta nan tabata tin un reunion cu prome minister di Corsou, Eugene Rhuggenaath y dialuna el a reuni cu gobernador di Corsou, sra. George-Wout.
Durante e programa, Eman a conta presentadornan Tito Duran y Nicole Maduro, cu den algun dia AVP y Eman mes, ta bay asumi un responsabilidad adicional den un organisacion cu yama ODCA, cual nan lo reuni diaranson y diahuebs na Costa Rica y ta spera cu nan ta bay haya un responsabilidad adicional como organisacion, pero tambe personalmente. Den e concepto ey di envolvimento di AVP, tin un responsabilidad pa bay articula un vision di un pensamento politico cu ta bay atende cu hopi di e retonan cu tin na e momentonan aki den mundo.
Si mira un rato durante añanan, a conoce dos concepto di politica y di gobernacion, caminda cu tin uno basa riba e sistema di Sociale Vorming Staat, caminda e estado ta hunga un rol hopi importante, den enseñansa, den cultura, den salubridad.
Y despues por mira den e epocanan manera di Ronald Reagan, Margareth Thatcher y e pensamento di liberalismo, gobierno ta hala atras. Mercado ta haci mas. Tur dos concepto tabata tin su tempo cu nan tabata wordo admira, aprecia. Por ta nan tabata funcional hasta.
Pero bo ta mira, si mira e eleccionnan cu a pasa na Merca, si mira Brexit, e inkietudnan cu tin na Francia na e momentonan aki, resultadonan di eleccion na Hulanda, tin biaha sorpresivo, ta mira cu pueblo ta zoekende.
Pensamento di AVP ta cu e caminda pa haya e contesta ta hustamente den e principionan cu anteriormente tabata haci nos sociedad asina distinto na awe. Awe nos tin hopi individualismo. Tin biaha no ta mira con e situacion di otronan ta.
E concepto di un vision comunitario y un vision di un pais cu ta basa hopi riba amor prohimo, basa con comunidadnan por wordo envolvi den e tarea importante di calidad di bida, ta conceptonan cu ta kere aden como partidonan Cristian Democrata. Tin cu haya un articulacion nobo den e era nobo cu nos ta aden.
Robert Candelaria ta bay compaña Mike Eman den e hornada aki. Lo bay ta un conferencia/eleccion na unda cu lo eligi un bestuur nobo y Eman ta e candidato pa vice presidencia di ODCA. Ta kere cu hustamente pasobra di su carera y con el a lidera pais Aruba den e ultimo añanan, a busca un hende cu hopi energia, hopi vision pa duna ODCA un contenido nobo. Ta mira cu tin retonan den full nos region, Sur America, Centro America y Caribe. ODCA tabata tin un stempel grandi antes cu por influencia, por yuda, conseha, yuda stuur caminda cu mester y ta kere cu awor aki cu e vision cu Cristian Democratanan ta carga, dunando un luz nobo, un bachi nobo, e ta e contesta pa hopi di e retonan cu a mira den e region y ta kere cu si por cuminsa na comparti esaki di nobo, bolbe enfatisa dicon e ta importante pa un comunidad cuida su mes, con tin cu bay om cu otro. Pa nan tabata hopi placentero pa scucha e entrevistanan prome cu esaki y tabata tremendo. Esey ta e direccion cu e islanan chikito y tambe como region pa busca bek, pa bay bek na nos raisnan. Loke a traha bon, con famianan tabata funciona, con organisacionnan den comunidad tabata tey pa yuda vang op unda cu mester. Awor aki ta tempo cu tin cu bay bek.
Mike Eman a agrega cu ODCA ta pa construi lasonan. Tabata tin reunion cu gobernadora George-Wout hopi ameno. Tambe tabata tin reunion cu Emily de Jongh-Elhage, un persona cu na momentonan hopi crucial di Corsou, drentando e fase di autonomia, tabata parti principal den a crea e lasonan cu Hulanda, cu Aruba pa por a haci e cambionan di statuut posibel, pa Corsou por a haya su Status Autonomo, hunto cu St. Maarten.
Tambe nan tin Maria Liberia Peters, como instituto politico pa AVP. Diamars mainta tambe nan a papia cu Eugene Rhuggenaath. Loke cu ta bay haci den ODCA ta algo cu a hiba tambe den gobernacion na Aruba. A experimenta y a experencia cu ora bo envolvi comunidad, bo tin dialogonan social pa determina cosnan importante, bo envolvi club, asociacionnan, e famia den pone e meta y e prioridadnan di un pais cu tin exito. Ainda AVP ta e partido mas grandi di Aruba, cu hopi reconocimento y aprecio di comunidad y ta kere cu tin hopi di haber cu e forma di gobernacion cu a yega hopi cerca di curason di e hendenan y envolvi e comunidad.
Si recoge e experiencia ey y pon’e den un tempo pa futuro, basa riba e principionan ey di ta presente cu e pueblo, di scucha y duna oportunidad na e comunidad, pa participa, pero tambe apela na nan miho sentido di altruismo, di kier yuda, di kier coopera, di tey pa un hende mas vulnerabel den comunidad. Ta kere cu ta hay contestanan pa retonan grandi cu tin di hopi hende cu ta biba nan so of personanan cu tin cierto enfermedad, cierto handicap, problemanan social, siguridad den bario y tambe e desaroyo economico, caminda cu no ta unicamente enfoca si e cifra ta mustra cu bo tin un crecemento economico, pero con e ta wordo comparti y reparti den e sociedad cu bo ta wak den scol, den bario y miho calidad di bida di nos hendenan.
E concepto ey ta algo cu tin cu brasa a base di algun principio. Principionan ta uno: amor prohimo, solidaridad comparti den un bario, den un ciudad, den tur e areanan caminda cu instituto y famianan por ta parti di e vision. Ta sinti cu e lidernan politico, dirigentenan di pais. Y ora cu a scucha e dos personanan diamars mainta hopi inspirativo, cada un ta mira e necesidad aki. Tin cu presente hunto den un vision cu tur por brasa y bisa cu a haci esaki. E vision nobo, mescos cu tabata tin neoliberalismo, tin e parti di e Sociale Vormingsstaat, tin uno cu ta realmente ta draai rond di comunidad y belonging. Ta algo cu AVP kier sigui traha riba dje y busca partnernan cu ta pensa mesun cos.
Robert Candelaria a splica cu diamars atardi caba ta bulando hunto cu e delegacion di Boneiro y Corsou, pa Costa Rica, pa asina participa na e conferencia di ODCA cu lo ta diaranson y diahuebs.