Fundeshi di cada organisacion ta e formacion cu e ta brinda su personal. Den caso di Cuerpo Policial e importancia ta mas grandi, den e sentido cu Scol di Polis ta brinda cursonan den e cadenan Hudicial, na diferente departamento local y internacional.
SITUACION ACTUAL DI SCOL DI POLIS
Pa hopi aña Scol di Polis ta ofrece cursonan na diferente organisacionnan den e cadena Hudicial, local y internacional, pero no por cobra pa esaki. Pa e simpel motibo cu nos leynan no ta permiti esaki. P’esey ta sumamente importante pa nos scol di polis, wordo privatisa.
Banda di e balor agrega cu privatisacion lo trece pa scol di polis y e organisacion di Cuerpo Policial, ta importante pa inverti aworaki den Scol di Polis. Como organisacion respeta no por ta asina cu tin un bus di “Mobiele Eenheid” ta wanta e heki di e cura na Scol di Polis pa no cay.
PLAN PA INNOVA SCOL DI POLIS.
Ta na november 2017 cu for di Parlamento Minister di Husticia a ricibi e plan cu Cuerpo Policial a traha pa mehora, inova y inverti den Scol di Polis. Ta importante pa nos wak, despues di un aña y mey, con leu ta pa ehecuta e plan aki.
PA CONCLUI
E balor agrega lo ta pa e producto final cu Cuerpo Policial ta brinda su clientenan. Na mes momento Scol di Polis lo transforma den un instituto cu lo genera fondo pa pais Aruba.
E siman aki preguntanan por escrito lo bay pa Minister di Husticia, pa wak con leu ta pa ehecuta e plan cu a wordo presenta na dje na November 2017.
